Bamwe muribo baturitse bararira abandi ntibatinye kugaragaza uko babona imyitwarire y'ubucamanza.
Bamwe bavuze ko babona ubutabera bashakaga mu Rwanda busa nk'uburangiye, bati hasigaye kwitabaza amahanga.
Abandi barimo n'uwari wunganiye Nkunda, umunyamategeko Richard Rwihandagaza, yabwiye BBC ko ntacyo yahindura kuri iki cyemezo cy'urukiko, ati itsinda riburanira General Nkunda rigiye kwiga icyo ryakora.
Urugero ngo baracyafite iminsi 15 yo kujurira cyangwa se guca mu zindi nzira ariko zishingiye ku mategeko.
Urongoye ababuranira General Nkunda, Maitre Stephane Bourgon, we ariko ntiyariye umunwa, yagize ati : "Ibyasabwe n'abahagarariye leta y'u Rwanda, byari nk'ikigeragezo ku bwigenge bw'ubucamanza mu Rwanda, ikibabaje rero n'uko icyo kigeragezo gitanze imyanzuro mibi, niyompamvu kuva ejo nzasubira i Kigali , kugirango nongere kuvugana n'ibiro by'umukuru w'igihugu, iby'umushikiranganji w'ubutabera, iby'umushikiranganji w'imibano n'amahanga, hamwe n'iby'umushikiranganji w'ingabo, kugirango nongere kubasa kandi kubonana n'uwo mburanira, Laurent Nkunda".
Iyi ibaye inshuro ya kabiri, urukiko rwo mu Rwanda rutera utwatsi ibirego by'ababuranira Nkunda.
Gusa naho uruhande rurega ruvuga ko rukomeje intambara yo mu bucamanza, birashoboka ko igisubizo cyaba kiri mu ntoki z'abanyapolitike.
Ubushikiranganji bw'ubutabera mu Rwanda buvuga ko General Nkunda afatwa nk'impfungwa y'intambara, kandi ko leta ya Congo yamaze gusaba ko babashyikiriza uyu musirikare.
Ikibazo rero kikaba kiri mu maboko y'abashikiranganji b'ubutabera ku mpande zombi.